.اول حاجة اكيد لازم نعرفها هي ازاي ابدأ انشاء وتجهيز المتجر الالكتروني ؟
اختار منتجك بتمعن يعني اختاره بعد ماتعمل استطلاعات راي زمايلك واصحابك واسأل الاخرين اللي كان ليهم خبرات سابقة مع منتجات زي منتجاتك او ناس شغالين اريدي في نفس المجال اللي بتفكر تشتغل فيه ،وادخل علي صفحات المتاجر الكبيرة زي سوق وامازون واعرف ايه اكتر المنتجات الناس بتشتريها ولو كنت بتقدم خدمة ازاي الناس تستفيد بيها او تحللهم مشكلة او احتياج هما عايزينه ولازم لازم المنتجات او الخدمات اللي هتنفذها تكون بتحبها وحابب مجالك اللي هتبدأ فيه
عشان تعرف تتفوق فيه قم بدراسة المنافسين وايه هي الخصومات والعروض اللي بيعملوها وكمان اسعارهم وايه هي مميزاتهم وعيوبهم عشان لما تيجي تنفذ تعرف ازاي تنافسهم
– بعد ماتستقر علي ايه هو المنتج ،اختر اسم دومين حلو اللي هو عبارة عن عنوان الويب URL اللي العملاء هيلاقوك من خلاله ،ويفضل ان يكون الدومين يعبر عن متجرك يعني مثلا لو منتجك هو ملابس يبقي الدومين fashionable wear دوت كوم او دوت نت ، ومنصة سوق كارت بتقدملك دومين واستضافة مجانية لمدة سنة عند اشتراكك في احدي باقتها المدفوعة
بعد كتابة الدومين ،ابدأ إرفع منتجاتك في متجرك الالكتروني ورتب المنتجات واختار صور كويسة ووصف كويس للمنتجات يتلائم مع متطلبات السيو (ودي هنفهمها كمان شوية ) واهتم بتنسيق وإظهار الصفحة الرئيسية بشكل حلو عشان دي الاساس اللي هيجذب عميلك ويخليه يقعد وقت اطول في متجرك .
تختار كمان وتحدد طرق الشحن للمنتجات بتاعتك لعملائك اللي هاتقدملهم افضل واسرع شحن مناسب ليهم وبأقل سعر.6-
في الاخر ضيف طرق الدفع اللي الناس هتدفعللك بيها سواء كانت الدفع عند الإستلام او بطاقة ائتمان
.وبكدا نكون عرفنا خطوات انشاء متجر الكتروني جاهز للتشغيل، لكن كأنك عامل محل جميل اوي بس قافل علي نفسك الباب مش معرف حد بالمحل بتاعك عشان كده التسويق مهم جدا وازاي تختار الادوات والقنوات المناسبة اللي هتستخدمها في تسويقك ، وده اللي هنعرفه مع بعض المرة الجاية في الروشتة التانية لمنصة سوق كارت .
